Чолпон-Атадагы Евразия өкмөттөр аралык кеңешинин жыйыны жыйынтыкталды. Уюмга мүчө өлкөлөрдүн өкмөт башчылары өткөн он жылда уюмдун бир катар жетишкендиктерин санашып, мунун менен катар чектөөлөрдүн алигүнчө алынбай келатканы сөз болду.
Чолпон-Атада Орусиянын өкмөт башчысы Мишустин катышкан экономикалык форум өтүүдө. Украинага согуш ачкандан бери эл аралык санкцияга туш болгон Орусия Кыргызстан менен байланышын бекемдөө аракетинде. Ошол эле маалда кыргыз мигранттары Кремлдин катаал саясатынын кесепетин тартып турган маалы.
10 жыл мурда Кыргызстан менен Казакстандын ортосундагы бажы бекеттер алынып, Евразия экономикалык биримдигинин жол-жобосу күчүнө кирген. Эң ири экономикалык бирикмеге мүчө болгондон кийин өлкө экономикасы, өнөр жайы жана Орусияда иштеген мигранттар үчүн ыңгайлуу шарт түзүлөт деген убада болгон эле.
Кыргыз бийлиги интернеттеги нааразылык айтылган аймактардын жетекчилерине чара көрүлөрүн убада кылууда. Бул ишти УКМК төрагасы Камчыбек Ташиев моюнуна алып, жергиликтүүлөр нааразылык айткан аймактарды кыдырып жатат.
Соңку күндөрү социалдык тармактарда Нарын облусунда тургундардын көйгөйлөрү чечилбей, көңүл бурулбай жатканы боюнча билдирүүлөр талкууга түштү. Айрыкча, нарындык тургундун бийлик жетекчилерине ыр менен кайрылганы бул талкууларды жандантты.
Социалдык тармактарда Нарын облусунда тургундардын көйгөйлөрү чечилбей, көңүл бурулбай жатканы боюнча билдирүүлөр талкууга түштү. Айрыкча, нарындык тургундун бийлик жетекчилерине ыр менен кайрылганы бул талкууларды жандантты.
Өзгөчө кырдаалдар министрлигине караштуу аскер бөлүктөгү жоокерлер кабылган зордук-зомбулук боюнча кылмыш иши козголду. Интернетке чуулгандуу тасма тарап, коомчулук армиядагы жосунсуз жорукту кескин сындап жатат. Президент Жапаров өзгөчө кырдаалдар министри Бообек Ажикеевге сөгүш берди.
Өзгөчө кырдаал министрлигине караштуу аскер бөлүктөгү жоокерлерге көрсөтүлгөн зордук-зомбулук боюнча кылмыш иши козголду. Буга чейин интернетке аскерлерди келекелеп кыйнап жаткан тасма тарап кеткен.
Кыргызстанда Экинчи дүйнөлүк согуштун аяктаганынын 80 жылдыгына карата эскерүү иш-чаралары өттү. Анын катышуучулары согуш ардагерлеринин, тылда эмгектенген ата-апаларынын сүрөтүн көтөрүп басышты. Ушул тапта арабызда согуштун 32 ардагери бар.
8-майда Бишкекте Экинчи дүйнөлүк согуштун аякташынын 80 жылдыгына арналган аскердик парад өттү. Президент Садыр Жапаров согушка катышкан кыргызстандыктар тууралуу жаңы маалыматтар жарыяланганын, тарыхчылардын алдында жаңы милдеттер турганын айтты.
Бишкектин Биринчи май райондук соту “жалданмачылыкка” шек саналып кармалган Орусиянын “Россотрудничество” уюмунун Кыргызстандагы өкүлчүлүгүнүн филиалы – Ош шаарындагы “Орус үйүнүн” кызматкери Наталья Секерина үй камагына чыгарылганын билдирди.
Кыргыз бийлиги жергиликтүү “Капитал банктын” орус ишканаларына Батыштын санкциясын кыйгап өтүүгө көмөктөштү деген маалыматты четке какты. Расмий Бишкектин мындай билдирүүсүнө молдовалык IRN деп аталган басылмасы жарыялаган макала себеп болду.
Кой-Таш окуясы боюнча үч жылдан бери уланып жаткан соттук жараян дагы эки айга узартылды. Сот муну карала турган материалдардын көптүгүнө байланыштырды. 17-апрелдеги соттук отурумда айыпталуучулар акыркы сөзүн сүйлөп, өкүм чыгышы мүмкүн экени айтылып жаткан.
Бишкектеги мектептердин биринде 7-класстын эки окуучусунун ортосунда пикир келишпестик чыгып, 14 жаштагы кыз каза болду. Бишкек мэриясы жана шаардык милиция териштирүү башталганын билдирди. Маркумдун жакындары үн ката элек. Бул окуя окуучулар арасындагы чоңсунуу, коопсуздук маселесин козгоду.
Чүйдүн Молдовановка айылындагы №27 колонияда жазасын өтөп жаткан 35 жаштагы Адилет Тилек уулу каза болгонун жакындары айтып чыгышты. Жазаларды аткаруу кызматы түзөтүү мекемелеринде эки киши каза болгонун ырастап, аларды бири аталган жаран жүрөк оорудан улам каза болгонун билдирди.
Жогорку Кеңеш 10-апрелде интернетке жарыяланган жалган маалымат үчүн айып салган мыйзам долбоорун биринчи окууда колдоду. Документке ылайык, жалган маалымат боюнча түшкөн арыздын негизинде милиция кызматкерлери тергөө жүргүзүп, сотко өткөрүп берет.
Социалдык тармактарга Улуттук илимдер академиясынын (УИА) мурдагы кызматкери Жоомарт Карабаев менен академиянын бөлүм башчысы Айнуру Алтыбаеванын сүйлөшүүсү делген аудио тарады.
Жогорку Кеңеш 9-апрелдеги жыйынында “Жалпыга маалымдоо каражаттары жөнүндө” мыйзам долбоорун биринчи окууда колдоду. Медиа коомчулук менен макулдашылып иштелип чыккан долбоорго депутаттар бир катар сунуш-пикирлерин беришти.
Энергетика министрлиги 1-майдан тартып электр энергиясынын баасы өсө турганын билдирди. Муну ал электр кубатынын сатуудагы баасын өздүк наркына теңөө үчүн жасалып жаткан чара деп түшүндүрүүдө.
Дагы жүктөңүз
